یورپ میں فلسطینیوں کی 17 ویں کانفرنس "اتحاد اور ثابت قدمی کے ساتھ ہم واپس آئیں گے” کے نعرے کے ساتھ ہفتے کے روز سے ڈنمارک کے شہر کوپن ہیگن میں شروع ہو گئی ۔
ہزاروں فلسطینیوں اور مہمانوں نے کانفرنس میں شرکت کے لیے کل سے ڈنمارک کے شہر کوپن ہیگن میں پہنچنا شروع کر دیا تھا ۔
پہلی کانفرنس 2003 میں لندن میں منعقد ہوئی تھی جسمیں معروف فلسطینی شخصیات اس کےساتھ ساتھ عرب اور غیر ملکی کارکنوں اور اعلیٰ شخصیات نے شرکت کی تھی۔
کانفرنس میں شرکت کرنے والے مہمانوں کے لیے ہونے والی استقبالیہ تقریب میں کانفرنس کے چئیرمین ماجد الزير نے کہا کہ یورپ میں سالانہ منعقد یونے والی کانفرنس کا مقصد دنیا کے رہنماوں کو یہ پیغام دینا ہے کہ فلسطینی سوائے اپنے وطن اور اپنے گھروں میں واپسی کے حقوق کے علاوہ اور کچھ نہیں چاہتے۔
الزير نے کانفرنس کو قابض اسرائیل اور اسکے حامیوں کی جانب سے فلسطین کےحصے بخرے کرنے کی کوششوں کا جواب دینے کے لیے ایک اہم تقریب قرار دیا ۔
انہوں نے کہا کہ جب تک فلسطین کے لوگ متحد ہیں اور اپنی زمین کے حق کے لیے کوشش جاری رکھے ہوئے ہیں دنیا میں کوئی بھی طاقت فلسطین کی تاریخ اور جغرافیے کو نہیں بدل سکتی
انہوں نے مزید کہا کہ ہم پہلے فلسطینی ہیں اور بعد میں یورپی شہری اور ہم اپنی زمین پر واپسی کے حق کے لیے ڈٹے رہیں گے اور اسکا کوئی متبادل قبول نہیں کریں گے ۔
