اسلامی جمہوریہ ایران کے صدر حسن روحانی نے کہا ہے کہ امریکا دبائو کی پالیسی ترک کرکے اپنی غلطیوں پر معافی مانگے تو اس کے ساتھ مذاکرات کی میز پر بیٹھنے کو تیار ہیں۔
ایران کے سرکاری ٹی وی چینل پر نشر ایک بیان میں صدر روحانی نے کہا کہ امریکا ایران کے ساتھ مذاکرات میں سنجیدہ نہیں۔ امریکا کی طرف سے مذاکرات کی باتیں جھوٹ ہیں اور ان کا کوئی مثبت نتیجہ نہیں۔
حسن روحانی کا کہنا تھا کہ ایرانی قوم کو معلوم ہے کہ ایران کے پاس امریکا کا قانونی ذرائع سے مقابلہ کرنے اور مزاحمت کے سوا اور کوئی راستہ نہیں۔ امریکا مذاکرات سے بات ماننے والا نہیں۔
ایرانی صدر حسن روحانی کی طرف سے یہ بیان ایک ایسے وقت میں جاری کیا گیا ہے جب دوسری طرف امریکا نے حال ہی میں ایرانی تیل پر نئی پابندیاں عاید کی ہیں۔
