اسرائیلی آبادکاروں کے ایک گروہ نے جمعرات کی صبح پولیس کی سخت حفاظت میں مسجد اقصیٰ کے مقدس مقامات کی بے حرمتی کی۔
مقامی ذرائع کے مطابق کچھ آبادکاروں نے مسجد میں اپنی موجودگی کے دوران مذہبی رسومات کی ادائیگی کی کوشش کی لیکن فلسطینی عبادت گزاروں اور طلبا کی جانب سے بلند آواز میں مذہبی نعرے بازی کے بعد وہ ایسا نہیں کر سکے۔
مسجد اقصیٰ کو صہیونی آبادکاروں کی جانب سے مذہبی رسومات کی ادائیگی کے لیے جمعہ اور ہفتہ کے علاوہ روزانہ دوپہر اور صبح کے وقت کھولا جاتا ہے۔
اسرائیلی پولیس نے مراکشی دروازے کو صہیونی آبادکاروں کی صبح کی رسومات کی ادائیگی کے بعد 10.30 منٹ پر بند کر دیا جسے یہودی مسجد اقصیٰ میں داخلے کے لیے استعمال کرتے ہیں۔ بعد میں دوپہر کے وقت اسی دروازے کو آبادکاروں کی شام کی رسومات کی ادائیگی کے لیے دوبارہ کھول دیا گیا۔
آبادکاروں کی مسجد اقصیٰ میں موجودگی کے دوران مسلمان عبادت گزاروں کے مسجد اقصیٰ میں داخلے پر پابندی عائد کر دی جاتی ہے اور ان کے شناختی کارڈ ضبط کر لیے جاتے ہیں۔
