فلسطین کے مقبوضہ غرب اردن کے جنوبی شہر الخلیل میں ایک فلسطینی شہری نے مکان فروخت کرنے کے بدلے میں صہیونی ریاست کی طرف سے 10 کروڑ ڈالر کی خطیر رقم کی پیش کش ٹھکرا کر ارض فلسطین کے ساتھ اپنی اٹوٹ حب الوطنی کا ثبوت دے کر دشمن کو بھی حیران کر دیا۔
مرکز اطلاعات فلسطین کے مطابق غرب اردن کے جنوبی شہر الخلیل میں رہنے والے عبدالرئوف المحتسب کو صہیونی حکام کی طرف سے السھیلا کے مقام پر موجود مکان فروخت کرنے کے بدلے میں ایک سو ملین ڈالر کی پیش کی گئی۔
عبدالرئوف نے صہیونی ریاست کی طرف سے خطیر رقم کی پیش کش ٹھکراتے ہوئے کہاکہ وہ اپنا مکان اور اس کی زمین صہیونیوں کو کسی قیمت پر فروخت نہیں کرے گا۔ فلسطینی شہری کی اس جرات اور بہادری پر صہیونی بھی حیران ہیں کہ اس نے اتنی بڑی رقم کیوں کر ٹھکرا دی۔
