فلسطین کےمقبوضہ مغربی کنارے اور بیت المقدس میں اسرائیلی فوج کے وحشیانہ کریکڈائون میں 17 فلسطینیوں کو حراست میں لے لیا گیا ہے۔
مرکزاطلاعات فلسطین کےمطابق اسرائیلی فوج نے جمعرات کو علی الصباح غرب اردن میں گھر گھر تلاشی کےدوران فلسطینیوں کےگھروں میں لوٹ مار کی۔
اسرائیلی فوج کی طرف سے کی جاری کردہ بیان میں کہا گیا ہےکہ غرب اردن میں تلاشی کی کارروائیوں میں 11 مطلوب اور اشتہاری فلسطینیوں کو حراست میں لیا گیا۔ یہ فلسطینی اسرائیل کے خلاف مزاحمتی کارروائیوں میں ملوث ہیں۔
صہیونی فوج کی طرف سے جاری کردہ بیان کہا گیا ہےتلاشی کے دوران ‘ایم 4’ رائفل بھی ضبط کی گئی۔
مرکزاطلاعات فلسطین کےمطابق غرب اردن میں بیت لحم میں تلاشی کےدوران اسرائیلی فوج نے چار فلسطینیوں کو حراست میں لے لیا۔ اس کے علاوہ قابض فوج نے شمالی شہرمیں عایدہ کیمپ سےتین اور الدھیشہ کیمپ سے بھی تین فلسطینیوں کو حراست میں لے لیا۔
جنوبی بیت لحم سے اسرائیلی فوج نے الخضر قصبے سے محمود علی عیسیٰ نامی شہری کو حراست میں لے لیا۔
شمالی الخلیل میں صوریف کے مقام پر ایڈووکیٹ عدی خالد غنیمات کو حراست میں لے لیا۔ الخلیل کے جنوب مغرب میں متعدد فلسطینیوں کو حراست میں لے لیا۔
قابض فوج نے غرب اردن کےشمالی شہر سلفیت میں حارس، طلولکرم میں عکابا اور نابلس کےعزون قصبے سے متعدد فلسطینیوں کوحراست میں لےلیا۔
