قابض صہیونی فوجیوں نے فلسطینی رابطہ دفتر کو اطلاع دی کہ صہیونی فوج کے 1948 کے مقبوضہ فلسطینی علاقے میں دراندازی کی کوشش کے دوران سخت زخمی ہونے والا فلسطینی بچہ اپنے زخموں کی تاب نہ لاتے ہوئے شہید ہوگیا۔
مقامی ذرائع نے غزہ کی جنوبی پٹی میں بچے کے آبائی شہیر رفح میں کہا کہ دس دن پہلے غزہ کی سرحد کو عبور کرنے کی کوشش کے دوران بری طرح زخمی ہونے والا سولہ سالہ إسحاق اشتيوی شدید زخموں کی وجہ سے شہید ہو گیا۔
عبرانی اخبار کے مطابق اسرائیلی فوج نے غزہ سرحد کو پار کرنے کی کوشش کے دوران تین فلسطینیوں کوگولیاں مارنے کے بعد گرفتار کر لیا تھا جن میں سے ایک کی حالت تشویشناک تھی۔
تینوں قیدیوں میں سے دو کو بعد میں آزاد کر دیا گیا تھا اور تیسرے کے بارے میں کسی کو کچھ معلوم نہیں تھا جب تک کہ اس کی شہادت کا اعلان نہیں کر دیا گیا۔
قابض صہیونی فوج نے اشتيوي سمیت 12 فلسطینیوں کی لاشوں کواپنے قبضے میں رکھا ہوا ہے جو سب گذشتہ سال 30 مارچ سے واپسی کے عظیم مارچ کے آغاز سے غزہ کی سرحد کے قریب شہید پوئے۔
