برطانیہ کے دارالحکومت لندن میں قائم اسرائیلی سفارت خانے کے باہر ہزاروں افراد نے فلسطینیوں کی حمایت اور صہیونی ریاست کے خلاف احتجاجی مظاہرہ کیا گیا۔ مظاہرین نے فلسطین کے علاقے غزہ کی پٹی میں فلسطینی پناہ گزینوں کے حق واپسی مظاہروں اور غزہ کہ ناکہ بندی اٹھائے جانے کے لیے جاری تحریک کی پرزور حمایت کی گئی۔
مرکزاطلاعات فلسطین کے مطابق لندن میں یہ احتجاجی مظاہرہ برطانیہ میں قائم فلسطین کلب کی طرف سے کیا گیا جس میں فلسطینی کمیونٹی، انسانی حقوق کی تنظیموں اور دیگر اداروں کےکارکنوں نے شرکت کی۔ مظاہرین نے فلسطین میں ‘یوم الارض’ کے موقع پر فلسطینیوں کے احتجاجی ملین مارچ کی حمایت کی اور آزاد فلسطینی ریاست کے قیام کے حق اور اسرائیلی مظالم کے خلاف شدید نعرے بازی کی گئی۔
برطانیہ میں فلسطین کلب کی طرف سے جاری کردہ ایک بیان میں کہا گیا ہے کہ ہم فلسطینی پناہ گزینوں کے حقوق کی کسی افراط وتفریط کے بغیر مکمل فراہمی کی حمایت کرتے ہیں۔ غزہ کی پٹی میں اسرائیلی فوج کے مظالم آشکار ہیں اور ہزاروں بے گناہ فلسطینیوں کے قتل اور زخمی کرنے کے واقعات فلسطینیوں پر اسرائیلی بربریت کا ثبوت ہیں۔
بیان میں مزید کہا گیا ہے کہ اس میں کوئی شبہ نہیں کہ فلسطینی قوم اپنے حقوق کے حصول کے لیے جدو جہد کررہی ہے۔ فلسطینی قوم کو اپنے حقوق کے حصول کے لیے تمام وسائل کو استعمال کرنے اور انہیں بروئے کار لانے کی ضرورت ہے۔
