فلسطین سے موصولہ اطلاعات کے مطابق وسطی غزہ میں البریج پناہ گزین کیمپ کے مشرقی علاقے میں اسرائیلی بمباری سے چار فلسطینی زخمی ہو گئے۔
مرکز اطلاعات فلسطین کے نامہ نگار نے اپنے مراسلے میں بتایا کہ البریج کیمپ کی مشرقی سرحد کے قریب موجود چند فلسطینیوں پر اسرائیلی ڈرون نے میزائل داغا، جس کی زد میں آ کر تین شہری زخمی ہو گئے۔
چند لمحوں بعد فلسطینیوں کے ایک دوسرے گروپ پر دوسرے اسرائیلی ڈرون حملے میں مقامی ریڈیو اسٹیشن سے وابستہ فلسطینی صحافی محمود اللوح زخمی ہو گئے۔
عبرانی میڈیا نے دعویٰ کیا کہ اسرائیلی فضائیہ نے غزہ میں فلسطینیوں کو اس وقت نشانہ بنایا جب وہ اسرائیل کی سمت دھماکہ خیز اور آتش گیر مادے سے بھرے غبارے چھوڑنے کی کوشش کر رہے تھے۔
