فلسطین کے شورش زادہ علاقے غزہ کی پٹی سے سوموار کو علی الصباح اسرائیل کے دارالحکومت تل ابیب پر داغے گئے راکٹ حملے کے بعد اسرائیلی وزیراعظم بنجمن نیتن یاھو نے امریکا کا دورہ منسوخ کردیا ہے۔
آج علی الصبح غزہ سے داغے گئےدو راکت وسطی فلسطین میں تل الربیع”تل ابیب” میں جا گرے جس کے نتیجے میں کم سے کم سات صہیونی زخمی ہوگئے۔
نیتن یاھو کےدفتر سے جاری ایک بیان میں کہا گیا ہے کہ وزیراعظم نے غزہ سے راکٹ حملوں کے بعد امریکا کا دورہ منسوخ کردیا ہے۔ بیان میں کہا گیا ہے کہ غزہ سے فلسطینی مزاحمت کاروں نے غیرمعمولی جارحیت کی ہے۔
ادھر اسرائیلی ملٹری انٹیلی جنس کےسابق چیف میجر جنرل عاموس یادلین نے غزہ پر حملہ کرنے اور فلسطینی قیادت کو شہید کرنے کا اشتعال انگیز مطالبہ کیا ہے۔
