فلسطینی مجلس قانون کے رکن خالد طافش نے یہ بات زور دے کر کہی ہے کہ فلسطینی عوام اپنے ملک سے اسرائیلی قبضہ ختم کرانے تک مزاحمت کی راہ پر ثابت قدم رہیں گے۔
ان خیالات کا اظہار رکن اسمبلی طافش نے گذشتہ روز بیت لحم میں شہید احمد مناصرہ کے جنازے میں شرکت کے موقع پر کیا۔
انھوں نے کہا کہ’’فلسطینی قربانیوں کا سلسلہ اس وقت تک نہیں رکے گا جب تک ان کا سامنا فلسطینیوں کے خون کے پیاسے اسرائیلی دشمن سے ہے۔
انھوں نے مزید کہا کہ اسرائیلی قبضے کے خاتمے کا دن اس ملک کی خاطر قربانیاں دینے والوں کے لئے ایک یادگار دن ہو گا۔
بیت لحم شہر میں ہزاروں کی تعداد میں شہریوں نے شہید مناصرہ کے جنازے میں شرکت کی جنہیں گزشتہ شب اسرائیلی فوج نے بغیر کسی وجہ کے اس وقت گولیاں مار کر شہید کر دیا تھا جب وہ ایک چیک پوسٹ کے قریب اپنی گاڑی پر گذر رہے تھے
