فلسطین کے مقبوضہ مغربی کنارےکے شمالی شہر الخلیل میں ایک یہودی شرپسند نے پرانے الخلیل شہر کی تعمیراتی کمیٹی کے ایک ملازم کو گاڑی تلے کچل ڈالا۔
مرکز اطلاعات فلسطین کےمطابق الخلیل میں انسانی حقوق کے دفاع کے لیے سرگرم کمیٹی کے مندوب عارف جابرنے بتایا کہ جمعرات کے روز ایک یہودی آباد کار نے 53 سالہ فلسطینی شہری کو حارۃ جابر میں سڑک پار کرتے ہوئے کچل ڈالا اور یہودی آباد کار خود فرار ہوگیا۔
عارف جابر نے بتایا کہ زخمی ہونے والے فلسطینی کو ہلال احمر فلسطین کے امدادی کارکنوں نے ایمبولینس کی مدد سے اسپتال پہنچایا۔ اسپتال ذرائع کے مطابق فلسطینی شہری کا ایک بازو ٹوٹ چکا ہے اور جسم پر اور بھی گہری چوٹی آئی ہیں۔
