قابض صہیونی فوج کی طرف سے کھڑی کی گئی رکاوٹوں اور پابندیوںکے باوجود کل جمعہ کو ہزاروں فلسطینی مسجد اقصیٰ میں نماز جمعہ کی ادائی کے لیے قبلہ اول پہنچنے میں کامیاب ہوگئے۔
مرکز اطلاعات فلسطین کے مطابق صہیونی فوج اور پولیس نے مسجد اقصیٰ کے اطراف میں موجود راستے جمعہ کو علی الصبح سے سیل کردیے تھے۔ جمعہ کو علی الصباح قابض فوج کی بھاری نفری نے پرانے بیت المقدس کو اور قبلہ اول کے تمام راستے سیل کر دیے تھے۔
فلسطینیوں کی بڑی تعداد صبح کے وقت ہی سے مسجد اقصیٰ میں آنا شروع ہوگئی تھی۔ فلسطینی نمازیوںکی بڑی تعداد نے مسجد اقصیٰ کے باب الرحمت میں نماز جمعہ ادا کی۔ خیال رہے کہ باب رحمت گذشتہ 16 سال سے بند تھا،جسے حال ہی میں فلسطینیوں نے احتجاج کے بعد کھلوایا گیا تھا۔
