کویت کی جوڈو ٹیم نے روم میں ہونے والے مارشل آرٹ کے عالمی مقابلے میں تین اسرائیلی کھلاڑیوں کی شرکت کی وجہ مقابلے میں حصہ لینے کا بائیکاٹ کر دیا۔
مرکز اطلاعات فلسطین کے مطابق اسرائیل کے تین کھلاڑی روم میں منعقدہ مارشل آرٹ کے عالمی مقابلے میں حصہ لے رہے ہیں۔ اس مقابلے میں کویت کو بھی شرکت کی دعوت دی گئی تھی مگر کویتی ٹیم نے کھیل میں حصہ لینے کا بائیکاٹ کر دیا ہے۔ کویتی ٹیم کے کھلاڑی حبیب السبتی نے بتایا کہ ان کی ٹیم روم میں ہونے والے مارشل آرٹ کے مقابلے میں اس لیے شرکت نہیں کرے گی کیونکہ اس مقابلے میں اسرائیل کے کھلاڑی حصہ لے رہے ہیں۔
السبتی کا کہنا ہے کہ اسرائیلی کھلاڑیوں کے ساتھ ہم ایک چھت کے نیچے نہ تو رہ سکتے ہیں اور نہ کھیل کے کسی مقابلے میں حصہ لے سکتے ہیں۔
