لبنان میں اسپتال میں داخل ایک فلسطینی بچی علاج علاج کی سہولت نہ ملنے کے باعث دم توڑ گئی۔
مرکزاطلاعات فلسطین کے مطابق 3 سالہ ماریاتامر ابو عزارہ خون کے کینسر میںمبتلا تھی۔ اسے اسپتال میں داخل کیا گیا مگر اسپتال میں علاج کی مناسب سہولیات کی عدم فراہمی کے باعث اس کی زندگی نہ بچائی جاسکی۔
جاں بحق ہونے والی فلسطینی پناہ گزین بچی کے والدین کچھ عرصہ قبل شام سے نقل مکانی کرکے بیروت پہنچے تھے۔ بچی کے والدین کاکہنا ہے کہ ماریا کو علاج کے لیے ‘غسان حمود’ اسپتال منتقل کیا گیا جہاں علاج کی سہولیات کی عدم فراہمی کے باعث اس کی موت واقع ہوگئی۔
والدین کا کہنا ہے کہ اسپتال انتطامیہ کی طرف سے انہیں ایک بڑی رقوم فیس کے طورپر ادا کرنے کو کہا گیا تھا اور اسپتال کی طرف سے بچی کا علاج کرنے سے انکار کردیا۔ وہ علاج کے لیے اسپتال کی فیس ادا نہ کرسکے جس کےنتیجے میں بچی کی زندگی نہ بچائی جاسکی۔
