فلسطین کے مقبوضہ مغربی کنارے کے جنوبی شہر الخلیل میں ٹریفک حادثے کے نتیجے میں ایک اسرائیلی فوجی ہلاک جب کہ ایک یہودی آباد کار اور ایک فلسطینی زخمی ہوگیا۔
مرکز اطلاعات فلسطین کے مطابق جمعرات کو ایک فلسطینی اور دو فلسطینی نمبر پلیٹ والی گاڑیاں آپس میں ٹکرا گئیں جس کے نتیجے میں ایک اسرائیلی فوجی ہلاک اور دو زخمی ہوگئے۔
عبنرانی ویب سائیٹ ‘0404’ کے مطابق یہ حادثہ جنوبی الخلیل میں السموع قصبے میں شاہراہ 60 پر پیش آیا۔
اسرائیلی فوج نے ٹریفک حادثے میں ایک فوجی کی ہلاکت کی تصدیق کی ہے اور کہا ہے کہ اس نے واقعے کی تحقیقات شروع کردی ہیں۔ حادثے میں فلسطینی ٹرک ڈرائیور بھی زخمی ہوا ہے جسے اسپتال منتقل کردیا گیا۔
