اردن کی ایک خاتون وزیرہ کی جانب سے اسرائیلی پرچم پائوں تلے روندے جانے پرصہیونی ریاست نے عمان کے خلاف سخت غم وغصے کا اظہار کیا ہے۔
مرکزاطلاعات فلسطین کے مطابق اسرائیلی حکومت نے ایک بیان میں کہا ہے کہ اردنی وزیرہ جمانہ غنیمات نے دانستہ طورپر صہیونی پرچم کی توہین کی ہے۔ سوشل میڈیا پرایک تصویر وائرل ہوئی ہے جس میں جمانہ غنیمات کو ایک یونین کے دفتر میںداخل ہوتے ہوئے صہیونی پرچم کوپائوں تلے روندتے دیکھا جاسکتا ہے۔
عبرانی اخبار”یدیعوت احرونوت” کےمطابق وزیرہ جمانہ غنیمات نے دانستہ طورپر اسرائیلی پرچم کی توہین کی ہے۔ اخباری رپورٹ کے مطابق اسرائیلی پرچم کی ایک وزیر کے ہاتھوں توہین اردنی وزیراعظم عمر الرزاز کی حکومت کے لیے سوالیہ نشان ہے۔
اردنی وزیرہ کےہاتھوں اسرائیلی پرچم کی توہین کی تصاویر سوشل میڈیا پر بڑے پیمانے پر مشتہر کی جا رہی ہیں۔ صہیونی صحافتی اور سیاسی حلقوں کی طرف سےاس پر شدید رد عمل سامنے آیاہے۔
ادھر اردن میں سوشل میڈیا پرجمانہ غنیمات کی حمایت میں مسلسل اضافہ کیا جا رہا ہے۔ اردنی اور فلسطینی شہریوںنے صہیونی پرچم کو روندے جانے کے تصاویر کو بڑے پیمانے پر شیئر کیا جا رہا ہے۔
