فلسطین کے مقبوضہ مغربی کنارے کے شمالی شہر نابلس میں اسرائیلی فوج اور یہودی آباد کاروںنے فلسطینیوں کی درجنوں دونم اراضی غصب کرنے کے بعد اس پرکھدائی کردی اور فلسطینی شہریوں کے زیتون کے 100 پھل دار درخت اکھاڑ پھینکے۔
مقامی فلسطینی سماجی کارکن "ہاشم البدارین” نے بتایا کہ اسرائیلی فوج نے کئی دونم کے علاقے پر فلسطینیوں کے 100 زیتون کے پھل دار پودے اکھاڑ پھینکے اور فلسطینیوں کے ملکیتی پانی کے تین کنوئیں بھی مسمار کردیئے۔ یہ باغ اور پانی کے کنوئیں محمد کامل جعافرہ اور علی عواد فطافطہ کی ملکیت بتائے جاتے ہیں۔
