ملی یکجہتی کونسل کی حمایت فلسطین کانفرنس کے اعلامیہ میں صہیونی ریاست کے فلسطینی مسلمانوں کے خلاف جارحانہ اقدامات جو گذشتہ ستر برسوں سے جاری ہیں کی بھرپور مذمت کی گئی ہے۔
اعلامیہ میں کہا گیا کہ اسرائیل قابض و ناجائز ریاست ہے جسے مشرق وسطی کے مسلمان ممالک کے سینے میں ایک خنجر کی مانند پیوست کیا گیا ہے۔
اعلامیہ کے مطابق عالم اسلام کے خلاف سازشیں عروج پر ہیں ہم عالم اسلام کو اپنی صفوں میں اتحاد قائم کرنے کی دعوت دیتے ہیں۔
اعلامیہ میں مزید کہا گیا کہ پاکستان صہیونی ریاست کو جائز تسلیم کرنے کی کسی بھی کوشش کے خلاف نہ فقط خود اقدام کرے بلکہ عالمی سطح پر بھی اپنے موقف کو دوٹوک بیان کرے۔
