قطری خبر رساں اداروں کے مطابق سعودی فرمانروا شاہ سلمان بن عبدالعزیز نے امیر قطر کو نو دسمبر کو الریاض میں ہونے والی 39 ویں خلیجی سربراہ کانفرنس میں شرکت کی دعوت دی ہے۔
قطری خبر رساں ایجنسی کے مطابق خلیج تعاون کونسل کے سیکرٹری جنرل عبدالطیف الزیانی نے سعودی فرمانروا کی طرف سے الریاض دورے کا دعوت نامہ قطری وزیر مملکت برائے خارجہ امور سلطان المریخی کو دیا۔
خیال رہے کہ گذشتہ برس خلیج تعاون کونسل کا 38 واں سالانہ سربراہ اجلاس کویت میں منعقدہ ہوا تھا جس میں قطری وفد نے شرکت کی تھی۔
گذشتہ برس سعودی فرمانروا خلیج تعاون کونسل کے اجلاس میں شریک نہیں ہوئے۔ سعودی عرب کی نمائندگی وزیرخارجہ عادل الجبیر نے کی تھی جب کہ متحدہ عرب امارات کی جانب سے وزیر مملکت برائے انور قرقاش نے کی تھی۔
