مقبوضہ فلسطین اور مصر کی سرحد پر اسرائیلی فوج کی ایک جیپ پر فائرنگ کی گئی جس کے بعد اسرائیلی فوجی سرحد سے پیچھے ہٹ گئے۔
عبرانی نیوز ویب سائیٹ "0404” کے مطابق اتوار کے روز بارڈر سیکیورٹی فورسز کی ایک پارٹی سرحد پر گشت کر رہی تھی کہ اس دوران فوجی جیپ پر نامعلوم افراد نے فائرنگ کی، تاہم فائرنگ سے کوئی جانی نقصان نہیں ہوا ہے۔
عبرانی ویب سائیٹ کے مطابق فوجی جیپ پر فائرنگ کے واقعے کی تحقیقات کی جا رہی ہیں تاہم اس حوالے سے کوئی اہم پیش رفت نہیں ہوئی۔ کسی گروپ یا فریق کی جانب سے فائرنگ کی ذمہ داری قبول نہیں کی گئی۔
