فلسطین کے مقبوضہ مغربی کنارے کے جنوبی شہر الخلیل میں مسجد ابراہیمی کے قریب اسرائیلی فوج نے ایک چھاپہ مار کارروائی کے دوران دو فلسطینی بچوں کو حراست میں لینے کے بعد نامعلوم مقام پر منتقل کر دیا۔
مقامی ذرائع نے بتایا کہ اسرائیلی فوجیوں نے ابو الریش یہودی چیک پوسٹ کے قریب ایک کارروائی کے دوران دو بچوں جن کی عمریں 10 سال بیان کی جاتی ہیں کو حراست میں لے لیا۔ ان کی شناخت احمد اور محمد الرجبی کے ناموں سے کی گئی ہے۔
خیال رہے کہ فلسطینی علاقوں میں اسرائیلی فوج کے ہاتھوں فلسطینی شہریوں کی بلا امتیاز گرفتاریاں روز کا معمول بن چکی ہیں۔
