اسرائیلی فوج نے مقبوضہ بیت المقدس میں ایک چھاپہ مار کارروائی کے دوران یہودی فوجیوں پر حملوں کے الزام میں چار فلسطینی شہریوں کو حراست میں لینے کے بعد نامعلوم مقام پر منتقل کردیا گیا ہے۔
اسرائیل کی عبرانی نیوز ویب سائیٹ "0404” کے مطابق چاروں فلسطینیوں پر الزام ہے کہ انہوںنے القدس کے مرکزی بس اسٹینڈ پر موجود چار اسرائیلی فوجیوں پر حملہ کیا تھا، جس کے بعد وہ فرار ہوگئے تھے۔
عبرانی ویب سائیٹ کےمطابق گرفتار فلسطینیوںکی عمریں 20 سے26 سال کے درمیان ہیں۔ ویب سائیٹ کےمطابق حملے میں اسرائیلی بارڈر سیکیورٹی فورسز کا ایک اہلکار زخمی بھی ہوا ہے جسے علاج کے لیے اسپتال منتقل کردیا گیا ہے۔
