اسرائیلی حکام نے مقبوضہ بیت المقدس کے شعفات مہاجر کیمپ میں قائم 20 دکانیں مسمار کردیں۔
اسرائیلی پولیس کی سخت حفاظت تلے اسرائیلی بلڈوزروں نے علی الصباح مہاجر کیمپ کا رخ کیا اور ان دکانوں کو غیر لائسنس ہونے کی بناء پر مسمار کر دیا۔
مقامی ذرائع کا کہنا ہے کہ اس موقع پر کیمپ میں اسرائیلی فوج اور فلسطینی نوجوانوں کے درمیان محدود پیمانے پر جھڑپیں بھی دیکھنے میں آئیں اور اسرائیلی نشانہ بازوں نے علاقے کے کئی مکانوں کی چھتوں پر پوزیشن سنبھال لی۔
ذرائع نے مزید بتایا کہ اسرائیلی پولیس نے شعفات مہاجر کیمپ کا مرکزی داخلی راستہ بند کردیا اور کیمپ کے تمام رہائشیوں کی نقل وحرکت بند کر دی۔
