متحدہ مجلس عمل کے سربراہ مولانا فضل الرحمن نے کہا ہے کہ اسرائیل کو تسلیم کرنے کی سازش کامیاب نہیں ہونے دیں گے۔ عمران خان کو خصوصی ایجنڈے کی تکمیل کے لئے پاکستان پر مسلط کیا گیا۔
وہ متحدہ مجلس عمل و عالمی مجلس تحفظ ختم نبوت کے زیراہتمام لاہور میں ملین مارچ سے خطاب کر رہے تھے ۔انہوں نے کہا کہ تحریک انصاف کے ارکان کے اسمبلی ٹی وی چینلز پر بیٹھ کر اسرائیل کو تسلیم کرنے کی ترغیب دے رہے ہیں۔
ان کا مزید کہنا تھا کہ پاکستان کے عوام فلسطین اور کشمیر کے مسلمانوں کے ساتھ ہیں۔ انہوں نے کہاکہ پی ٹی آئی حکومت آئین پاکستان سے اسلامی دفعات کو ختم کرنے کی کوشش کر رہی ہے۔
