فلسطین کے مختلف شہروں میں بسائے گئے یہودی آباد کاروں کے ہاتھوں فلسطینیوں کے بنیادی انسانی حقوق کی سنگین پامالیوں کا سلسلہ جاری ہے۔ ایک رپورٹ کے مطابق غرب اردن میں اکتوبر کے دوران یہودی آباد کاروں نے فلسطینیوں کے بنیادی حقوق کی 70 خلاف ورزیوں کا ارتکاب کیا۔
مرکز اطلاعات فلسطین کے مطابق یہودی آباد کاروںکی جانب سے اکتوبر میں القدس اور غرب اردن میں انسانی حقوق کی درجنوں بار پامالی کا ارتکاب کیا۔ فلسطینیوں کے مقدس مقامات پر 26 بار حملے کرکے ان کا تقدس پامال کیا گیا۔ فلسطینی تعلیمی اداروں کو5 بار حملوں اور انتقامی کارروائیوں کا نشانہ بنایا گیا۔ مسجد اقصیٰ کی بے حرمتی کا سلسلہ جاری رہا۔ القدس میں عیسائیوں کی مقدس عبادت گاہ کنیسہ القیامہ اور نابلس میں عقربا کے مقام پرمذہبی مقامات پرحملے کیے گئے۔
رپورٹ کے مطابق غرب اردن اور القدس میںیہودی آباد کاروں کے ہاتھوں فلسطینی شہریوں کی جان ومال پر70 حملے کیے گئے۔
یہودی آبادکاروںکی ریاستی دہشت گردی میں ایک فلسطینی خاتون کی شہادت بھی شامل ہے۔ اکتوبر میں سلفیت شہر میں بدیا کے مقام پریہودی شرپسندوں نے 47 سالہ عایشہ الرابی کو اس کی گاڑی پر سنگ باری کرکے شہید کیا۔
