امیر جماعت اسلامی پاکستان سینیٹر سراج الحق نے خارجہ پالیسی کے حوالے سے اپنے ایک بیان میں کہا ہے کہ ہماری خارجہ پالیسی کی ابھی بھی کوئی واضح سمت نہیں ہے۔
انہوں نے مقامی میڈیا سے گفتگو کرتے ہوئے کہا کہ امریکا کی ساری پالیسیاں اسرائیل کو دنیا کے ممالک سے تسلیم کروانے کے گرد گھومتی ہیں۔ امریکا اسلامی ممالک سے اسرائیل کو تسلیم کرانے کے لیے سازشوں میں مصروف ہے۔
سراج الحق کا مزید کہنا تھا کہ اسلامی ممالک پر جنگ مسلط کرنا، عالم اسلام کا جغرافیہ تبدیل کرنا اور امت کو شیعہ سنی کی بنیاد پر لڑا کر کمزور کرنا در اصل اسرائیل کوتسلیم کرانے کے لیے ہے ۔
