بیت المقدس کے باخبر ذریعے نے انکشاف کیا ہے کہ مسجد اقصیٰ کے مشرقی حصے کی دیواروں کی بوسیدگی کے بعد داخلی راستے بھی زیرزمین کھدائیوں کی وجہ سے زمین میں دھنسنے لگے ہیں۔
مرکزاطلاعات فلسطین کے مطابق مسجد اقصیٰ کے باب الرحمۃ کے جنونی راستے میں کئی مقامات پر شگاف پڑگئے۔
خیال رہے کہ باب الرحمہ کا راستہ پانی جمع ہونے کے اعتبار سے حوض کہلاتا ہے۔ یہ پہلا موقع نہیں کہ اس کے جنوب میں مسجد اقصیٰ کو ملانے والے راستےمیں شگاف پڑگئے ہیں بلکہ مسجد اقصیٰ کی جنوبی دیوار بھی بوسیدہ ہونے کے بعد گرنے لگی ہے۔ راستے میںبعض مقامات پر 7 سینٹی میٹر کے شگاف پڑ گئے ہیں۔
مسجد اقصیٰ کے بیرونی راستوں میں شگاف کی تصاویر بھی سامنے آئی ہیں۔ یہ پہ پہلا موقع نہیں کہ مسجد اقصیٰ کے اطراف کے راستوں میں شگاف پڑنے لگے ہیں۔
حال ہی میں فلسطینی محکمہ اوقاف نے خبردار کیا تھا کہ اسرائیلی فوج اور انتظامیہ کی طرف سے عاید کردہ پابندیوں کےنتیجے میں مسجد اقصیٰ کی دیواروں کی تعمیرو مرمت معطل ہے جس کے باعث مسجد کی تاریخی دیواریں بوسیدہ ہونے کے بعد گرنے لگی ہیں۔
