اسرائیل کے سابق وزیراعظم اور وزیر دفاع ایہودباراک نے کہا ہے کہ آئندہ الیکشن ربع صدی کے سب سے اہم انتخابات ہوں گے۔
خیال رہے کہ ایہود باراک اسرائیل کے وزیراعظم رہ چکے ہیں۔ ان کا کہنا تھا کہ 1995ء میں اسرائیلی وزیراعظم اسحاق رابین کے قتل کے بعد یہ پہلا موقع ہے جب اسرائیل میں انتہائی حساس اور اہمیت کے حامل انتخابات ہوں گے۔
عبرانی ریڈیو سے بات کرتے ہوئے ایہود باراک نے کہا کہ بنجمن نیتن یاھو کی حکومت غیر فطری ہے اور وہ اسرائیلی قوم کو واہموں میں رکھنا چاہتے ہیں۔ وہ اسرائیل کو بلیک میل کر کے عوام کو دھوکے میں رکھنا چاہتے ہیں۔
ایک سوال کے جواب میں ایہود باراک نے کہا کہ ہم اسلامی تحریک مزاحمت "حماس” کے سامنے سر جھکانے کی بار بار قیمت چکا رہے ہیں۔ ان کا کہنا تھا کہ موجودہ حکومت کے پاس حماس سے نمٹنے کی کوئی ٹھوس اور مربوط حکمت عملی نہیں ہے۔
