اسلامی جہاد نے کہا ہے کہ غزہ کی پٹی میں اسرائیلی فوج کی ننگی جارحیت میں سات فلسطینیوں کی شہادت کے بعد دشمن کی جارحیت کا جواب دینے کے لیے مختلف آپشنز پر غور کر رہے ہیں۔
اسلامی جہاد کے ترجمان داؤد شہاب نے مرکزاطلاعات فلسطین سے بات کرتے ہوئے کہا کہ جماعت کا عسکری بازو غزہ میں حق واپسی مظاہرین کے مارچ پر گولیاں برساںے کے خلاف جوابی کارروائی کے لیے مختلف آپشنز پرغور کررہےہیں۔
داؤد شہاب کا کہنا ہے کہ فلسطینی مزاحمت کاروں کو صہیونی دشمن کے خلاف جوابی کارروائی کا بھرپور حق ہے۔ فلسطینی مزاحمتی قوتیں غزہ کی ناکہ بندی توڑنے اور حق واپسی مظاہروں کو منطقی انجام تک پہنچانے کے لیے مختلفا آپشنز پرغور کررہی ہے۔
داؤد شہاب کا کہنا تھا کہ عرب ممالک، عالمی برادری اور اقوام متحدہ صہیونی ریاست کے جرائم سے بہ خوبی آگاہ ہے۔
خیال رہے کہ گذشتہ جُمعہ کواسرائیلی فوج نے فلسطین کے غزہ کی پٹی میں احتجاج کرنے والے فلسطینیوں پر گولیاں چلائی تھیں جس کے نتیجے میں سات فلسطینی شہید اور 500 فلسطینی شہید ہوگئے تھے۔
