اسرائیل کےعبرانی ذرائع ابلاغ کے مطابق اسرائیلی پولیس نے مقبوضہ بیت المقدس سے چھ فلسطینی شہریوں کو سنگ باری کے الزام میں حراست میں لیاہے۔
عبرانی ویب سائیٹ ’0404‘ کے مطابق مشرقی بیت المقدس میں فلسطینی نوجوانوں نے اسرائیلی فوج کی گاڑیوں پر سنگ باری کی جس کے نتیجے میں ایک فوجی زخمی ہوگیا۔ زخمی فوجی اہلکار کو اسپتال منتقل کیا گیا ہے جہاں اس کی حالت خطرے سے باہربیان کی جاتی ہے۔
ویب سائیٹ نے فوجی ذریعے کےحوالے سے بتایا کہ پولیس نے بیت المقدس سے سنگ باری کے الزام میں 6 فلسطینیوں کو حراست میں لیا ہے۔
رپورٹ کے مطابق فلسطینیوں نے جنوبی بیت المقدس میں معالیہ عاموس یہودی کالونی کے قریب سنگ باری کی جسکے نتیجے میں ایک اسرائیلی بس کو نقصان پہنچا۔
