فلسطین کی وزارت صحت نے خبردار کیا ہے کہ غزہ کی پٹی میں شیرخوار بچوں کے لیے مناسب اور معیار دودھ کی سپلائی معطل ہونے کے نتیجے میں ہزاروں شیر خوار بچے ذہنی طور پر اپاہج ہوسکتے ہیں۔
مرکز اطلاعات فلسطین کے مطابق غزہ کے اسپتالوں میں شیر خوار بچوں کے لیے دودھ کا اسٹاک ختم ہوچکا ہے جس کے نتیجے میں ’PKU‘ نامی مرض کے شکار بچے ذہنی اپاہج پن کا شکار ہوسکتے ہیں۔
وزارت صحت کا کہنا ہے کہ غزہ کے اسپتالوں میں ذہنی امراض کے شکار بچوں کی تعداد 107 ہے۔ ان میں سے 22 بچے ایک سال سے کم عمر کے ہیں جو ذہنی عوارض کے ساتھ نفسیاتی مسائل کا بھی شکار ہیں۔ انہیں’PKU‘ کے علاج کے لیے ادویہ اور دودھ کی فراہمی نہیں کی جاسکی ہے۔
فلسطینی حکام کا کہنا ہے کہ ’PKU‘ نامی بیماری پیدائش کے فوری بعد سامنے آتی ہے اور ایسے مرض کے شکار بچوں کو عام خوراک نہیں دی جاتی۔
