فلسطین کی مذہبی اور سیاسی جماعتوں کے وفود مصر میں ہونے والے مصالحتی مذاکرات کے ابتدائی دور کے بعد واپس غزہ اور فلسطین کے دوسرے علاقوں کو روانہ ہوگئے ہیں۔ فلسطینی دھڑوں میں مصالحتی مذاکرات کا اگلا دور قاہرہ میں ہوگا۔
خیال رہے کہ اسلامی تحریک مزاحمت [حماس] کی قیادت سمیت دیگر جماعتوں کے وفود نے ایک ہفتہ تک قاہرہ میں مصالحتی مذاکرات کیے۔ فلسطینی دھڑوں میں مذاکرات اور مشاوری عمل مصری انٹیلی جنس چیف کی نگرانی ہوا۔
فلسطینی جماعتوں کے با خبر ذریعے نے’مرکزاطلاعات فلسطین‘ کو بتایا کہ فلسطینی جماعتوں کے قاہرہ سے غزہ لوٹ گئے ہیں، مذاکرات کا اگلا دور عید کے بعد قاہرہ میں ہوگا جس میں تحریک فتح اور حماس سمیت دیگر جماعتوں کے قیادت کی شرکت متوقع ہے۔
ذرائع کا کہنا ہے کہ تمام فلسطینی دھڑے غزہ کی پٹی کی ناکہ بندی کے خاتمے،اختلافات دور کرنے اور غزہ کےعوام کی مشکلات کم کرنے کے لیے ہرممکن لچک دکھانے کو تیار ہیں۔
قبل ازیں حماس کےسیاسی شعبے کے رکن خلیل الحیہ نے ایک بیان میں کہا تھا کہ ان کی جماعت مصر اور اقوام متحدہ کی زیرنگرانی غزہ کے عوام کی مشکلات دور کرنے کے لیے جاری مساعی میں ہرممکن تعاون کرے گی۔ ان کا کہنا تھا کہ مشرقی غزہ کی پٹی میں فلسطینی حق واپسی اور ناکہ بندی کے خاتمے کی تحریک جاری رکھی جائے گی۔
