اسرائیلی فوج اور پولیس کے ہاتھوں فلسطین میں صحافیوں اور ابلاغی کارکنوں کی گرفتاریوں کے خلاف لبنان کے دارالحکومت بیروت میں احتجاجی مظاہرے کئے گئے جن میں صحافیوں، سماجی کارکنوں اور عام شہریوں کی بڑی تعداد نے شرکت کی۔
مرکز اطلاعات فلسطین کے مطابق بیروت میں ہونے والے ایک احتجاجی مظاہرے میں شرکاء نے اسرائیلی جیلوں میں قید فلسطینی صحافیوں کی تصاویر اٹھا رکھی تھیں اور ان کی رہائی کے مطالبات پر مبنی پوسٹر اور بینرز بھی اٹھا رکھے تھے۔
لبنان کے صیدا شہر میں ہونے والے ایک مظاہرے میں شرکاء نے ’القدس‘ سیٹلائیٹ چینل کے خلاف صہیونی ریاست کی طرف سےشر انگیز مہم کی مذمت کی گئی اور ٹی وی چینل کے کارکنوں کی گرفتاریوں کا سلسلہ بند کرنے اور چینل کی نشریات پرعاید پابندی اٹھانے کا مطالبہ کیا گیا۔
احتجاجی مظاہرے سے خطاب میں بیروت میں اسلامی تحریک مزاحمت [حماس] کےرہ نما ولید کیلانی، لبنان پریس کلب کے ترجمان نزیہ النقوزی، لبنان میں فلسطین پریس کلب کے صدر انتصار الدنان باسم، القدس ٹی وی چینل کے ترجمان رات نبھان، الفجر ٹی وی کے ایمن المصری اور سھیل زنتوت نے خطاب کیا اور فلسطینی صحافیوں کے خلاف اسرائیلی فوج کےوحشیانہ کریک ڈاؤن کی شدید مذمت کی۔
