فلسطین کے مقبوضہ مغربی کنارے کے شمالی شہر نابلس میں یہودی شرپسندوں کے ایک ڈنڈہ بردار گروپ نے ایک فلسطینی شہری اور اس کے بچوں پر تشدد کیا جس کے نتیجےمیں فلسطینی اور اس کے بچے زخمی ہوگئے جب کہ ان کی کار کی بھی توڑپھوڑ کی گئی۔
مقامی فلسطینی ذرائع نے بتایا کہ طولکرم کے رہائشی منذر عبدالحیفظ موسیٰ اپنے بچوں کے ہمراہ نابلس سے اپنی کار پرگذر رہا تھا کہ یہودی آباد کاروں نے اس پر سنگ باری شروع کردی۔ یہودی آباد کاروں نے ’یتسھار‘ کالونی کے قریب حوارہ شاہراہ پر اس کی گاڑی روک دی اور اسے اس کے تین بچوں سمیت انہیں وحشیانہ تشدد کا نشانہ بنایا۔
ذرائع کا کہنا ہے کہ یہودی آباد کار اچانک درختوں کےاندر سے باہر نکل آئے اور اندھا دھند پتھراؤ شروع کردیا۔ فلسطینی شہری نے یہودی آباد کاروں کے وحشیانہ تشدد کے باوجود زخمی حالت میں گاڑی وہاں سے بھگا کر خود کو اور بچوں کو بچایا۔
بعد ازاں عبدالحفیظ موسیٰ اور اس کے بچوں کو نابلس کے رفیدیا اسپتال منتقل گیا جہاں ان کے زخموں کی مرہم پٹی کی گئی۔
