اسلامی تحریک مزاحمت [حماس] کے سیاسی شعبے کے سابق سربراہ خالد مشعل نے حال ہی میں صہیونی جیل سے رہائی پانے والے عہد تمیمی اور یاسمین ابو سرور کو صہیونی زندانوں سےرہائی پانے پر ٹیلیفون پر مبارک باد پیش کی ہے۔
مرکز اطلاعات فلسطین کے مطابق خالد مشعل نے ٹیلی فون پر عہد تمیمی اور یاسمین ابو سرور کو ان کی مدت قید کے ختم ہونے کے بعد ان کی رہائی پرمبارک باد پیش کی۔
انہوں نے الشجاعیہ میں چند روز قبل شہید ہونے والے فلسطینیوں محمد العرعیر، عبادہ فروانہ اور احمد بسوس کی شہادت پر ان کے اہل خانہ سے تعزیت کی۔
خالد مشعل نے تحریک آزادی فلسطین اور صہیونی دشمن کے خلاف مسلح جہاد جاری رکھنے کے عزم کا اعادہ کیا اور کہا کہ فلسطینی قوم منزل کےحصول تک مزاحمت جاری رکھے گی۔
