ایرانی وزیر خارجہ محمد جواد ظریف نے کہا ہے کہ یورپی ملکوں اور امریکا کے درمیان پائے جانے والے اختلافات ایران کے لیے فایدہ مند ہیں اور ایران امریکا اور یورپ کے درمین پائے جانے والے اختلافات سے فائدہ اٹھائے گا۔
مرکزاطلاعات فلسطین کے مطابق تہران میں ایک تقریب سے خطاب میں انہوں نے کہا کہ عن قریب امریکا کو معلوم ہوجائے گا کہ کسی دوسرے ملک پر پابندیاں عاید کرنے کا کوئی فایدہ نہیں ہوتا۔
ایرانی وزیرخارجہ نے کہا کہ میں نہیں سمجھتا کہ ایران یورپ اور امریکا کےدرمیان کشیدگی اور اختلافات کا موجب ہے۔ اس وقت امریکا اور یورپ کےدرمیان اختلافات گہرے ہیں اور ہمیں موجودہ صورت حال سے فائدہ اٹھانا چاہیے۔
جواد ظریف نے کہاکہ ایران کو عالمی سطح پر تنہا کرنے کا وقت گذرگیا۔ ایران عالمی برادری کا حصہ اور امریکا کی ایران کو دیوار سے لگانے کی پالیسی کا میاب نہیں ہوگی۔
