ترکی میں لوہار کے پیشے سے وابستہ ایک صنعت کار نے دنیا کا منفرد پستول تیار کیا ہے جس کی لمبائی تین میٹر اور وزن ایک سو کلو گرام ہے۔
خبر رساں ادارے ’اناطولیہ‘ سے بات کرتے ہوئے ترک لوہار ظفر اردم نے کہا کہ وہ پچھلے 18 سال سے لوہار کےپیشے سے وابستہ ہے اور وہ لوہے کی منفرد چیزیں تیار کرنے کا شوقین ہے۔
اس نے بتایا کہ وہ اس سے قبل ’ٹینس ریکٹ‘ بھی بنا چکا ہے جس کی لمبائی پانچ میٹر تھی۔ اس کے علاوہ درختوں کے نمونے، میز، آہنی ہیلمٹ اور اسکول بیگ شامل ہیں۔
تین میٹر لمبے پستول کے بارے میں اردم نے بتایا کہ اس کی تیاری میں اسے ڈیڑھ ماہ لگے۔ یہ پستول اگرچہ ایک نمائشی ہے مگر یہ “Magnum 357” کی طرز پر بنایا گیا ہے مگر یہ اصل پستول سے دس گنا بڑا ہے۔
