قابض اسرائیلی فوج نے غزہ کی پٹی کے شمالی علاقے جبالیا میں فلسطینی مظاہرین کے ایک گروپ پر قابض اسرائیلی فوج نے میزائل حملہ کیا تاہم اس کے نتیجے میں کسی قسم کا جانی نقصان نہیں ہوا ہے۔
مرکزاطلاعات فلسطین کے نامہ نگار کے مطابق صہیونی فوج نے غزہ کی پٹی میں جبالیا کے مقام پر جمع فلسطینیوں کے ایک گروپ کے قریب بغیر پائلٹ کے ڈرون طیارے سے میزائل گرایا۔
قبل ازیں ادھر اسرائیلی فوج نے جبالیا ہی کے مقام پر توپ خانے سے بمباری کی جس کے نتیجے میں دو فلسطینی زخمی ہوگئے تھے۔
ادھر اسرائیلی فوج نے دعویٰ کیا ہے کہ جبالیا کے مقام پر فلسطینیوں کو ایک گروپ کو نشانہ بنایا گیا۔ فلسطینی سرحد پر جمع تھے اور اسرائیل کی طرف کاغذی آتش گیر جہاز پھینکنے اور گیسی غبارے اڑانے کی کوشش کررہے تھے۔
مقامی فلسطینی ذرائع نے بتیا کہ اسرائیلی فوج نے دیر البلح کے مقام پر ایک مزاحمتی رصدگاہ پر بھی بمباری کی تاہم بمباری سے کسی قسم کا جانی نقصان نہیں ہوا۔
