اسرائیلی پراسیکیوٹر جنرل نے زیرحراست ترک خاتون سیاح پر دہشت گرد تنظیم سے وابستگی اور صہیونی ریاست کو خطرے میں ڈالنے میں ڈالنے کے الزام میں فرد جرم عاید کی ہے۔
مرکزاطلاعات فلسطین کے مطابق ترک خاتون شہری ایبرو اوزکان کو اسرائیلی فوج نے گیارہ جون 2018ء کو اللد ہوائی اڈے سے استنبول جاتے ہوئے حراست میں لے لیا تھا۔
اسرائیلی اخبار ’ہارٹز‘ کے مطابق 27 سالہ اوزکان کو خفیہ ادارے شاباک کے اہلکاروں نے حراست میں لیا تھا۔ ان پر اسرائیلی ریاست کی سلامتی کو خطرے میں ڈالنے اور ایک دہشت گرد تنظیم سے تعلق کے الزام میں فرد جرم عاید کی گئی ہے۔
ترک خاتون کے وکیل دفاع کا کہنا ہے کہ صہیونی حکام نے ازکان پر اسلامی تحریک مزاحمت [حماس] سے تعلق کا الزام عاید کیا ہے تاہم ازکان نے تمام الزامات مسترد کردیے ہیں۔
