فلسطین کے علاقے غزہ کی پٹی کی سرحد پر اسرائیل نے فلسطینیوں کے آتشی کاغذی جہازوں اور گیسی غباروں کے نتیجے میں 18 مقامات پر آگھ بھڑک اٹھی۔
عبرانی اخبارات کے مطابق منگل کے روز فلسطینیوں کے کاغذی جہازوں سے کیے گئے حملوں میں غزہ کے قریب18 مقامات پرآگ بھڑک اٹھی۔
عبرانی اخبار ’معاریو‘ سرکاری ریڈیو ’کان‘ کے مطابق شمالی غزہ میں فلسطینیوں کے گیسی غبارے کے باعث کئی مقامات پرآگ لگ گئی۔
آتش زدگی کا یہ تازہ سلسلہ ایک ایسے وقت میں جاری ہے جب دوسری طرف اسرائیلی حکام کا کہنا ہے کہ تین ماہ کے دوران گیسی غباروں کے نتیجے میں اسرائیل کو 85 لاکھ شیکل کا معاشی نقصان اٹھانا پڑا ہے۔
عبرانی اخبار کے مطابق ہفتے کے روز غزہ میں سرحد پار سے پھینکے گئے غباروں سےآٹھ مقامات اور کئی دوسری جگہوں پر گیسی غباروں نے گرتے ہی آگ لگا دی۔
گیسی غباروں کے گرنے اور آگ لگنے کے بعد اسرائیلی ریسکیو ٹیمیں اور فائر بریگیڈ کا عملہ رونہ کیا گیا۔ گرمی کی وجہ سے آگ تیزی کے ساتھ وسیع رقبے میں پھیل گئی اور اسے بجھانے میں کئی گھنٹے صرف ہوگئے۔
خیال رہے کہ اسرائیلی فوج نے غزہ کی سرحد پر فلسطینیوں کے گیسی غبارے اور کاغذی آتش گیر جہاز روکنے کے لیے نیا نظام بھی نصب کیا ہے مگر اس کے باوجود صہیونی حکام فلسطینیوں کے اس مزاحمتی حربے کو روکنے میں ناکام رہے ہیں۔
