قابض اسرائیلی فوج نے فلسطین کے علاقےغزہ کی پٹی کے جنوب اور شمال میں فلسطینی شہریوں پر گولیاں چلائیں جس کے نتیجے میں کم سے کم پانچ فلسطینی زخمی ہوگئے۔
مرکزاطلاعات فلسطین کے نامہ نگار کے مطابق قابض فوج نے العودہ پناہ گزین کیمپ کے قریب رفح کے علاقے میں فلسطینیوں پر گولیاں چلائیں جس کے نتیجے میں تین شہری زخمی ہوگئے۔ زخمیوں کو یوسف النجار اسپتال منتقل کیا گیا ہے۔
ادھر شمالی غزہ میں مشرقی جبالیا میں اسرائیلی فوج نے ایک فلسطینی شہری کو گولی ماردی گئی۔ اسے بھی علاج کے لیے شدید زخمی حالت میں اسپتال لے جایا گیا ہے۔
قبل ازیں بدھ کو اسرائیلی فوج کی اسپیشل فورس کے کمانڈوز نے شمال مشرقی غزہ میں ایک فلسطینی نوجوان کو زخمی کرنے کے بعد اغواء کرلیا۔
مقامی سیکیورٹی ذرائع نے ہمارے نامہ نگار کو بتایا کہ اسرائیلی فوج نے ایک فلسطینی نوجوان کو پہلے گولیاں مارکر زخمی کیا اور بعد ازاں اسے اٹھا کر نامعلوم مقام پر لے گئے ہیں۔
