قابض اسرائیلی فوج نے فلسطین کے علاقے غزہ کی پٹی میں مچھلیوں کا شکار کرنے والے ماہی گیروں پر حملہ کردیا اور ان کی کشتیاں غرقاب کرنے کے بعد تین ماہی گیروں کو حراست میں لے لیا گیا۔
مرکزاطلاعات فلسطین کے مطابق اسرائیلی جرائم پر نظر رکھنے والے فلسطینی کمیٹی کے رابطہ کار زکریا بکر نے بتایا کہ اسرائیلی فوج نے شمالی غزہ میں سمندر میں ماہی گیری کرنے والے تین ماہی گیروں کی کشتیوں کا تعاقب کیا۔ قابض فوجیوں نے ان کا گھیراؤ کرنے کے بعد تینوں کو حراست میں لے لیا اور ان کی کشتیاں سمندر میں ڈبو دیں۔
’قدس پریس‘ سے بات کرتےہوئے بکرنے کہاکہ قابض فوج نے فلسطینی ماہی گیروں کی کشتیوں کو دانستہ طورپر غرقاب کیا ہے۔ انہوں نے بتایا کہ قابض فوج نے تین ماہی گیروں کو حراست میں لے لیا جن میں محمود اور حمد کامل الانفقح دو بھائی ہیں جبکہ ان کےتیسرے ساتھی کی شناخت محمد محمود السلطان کے نام سے کی گئی ہے۔
