فرانسیسی بچوں کو فلسطین کے محصور علاقے غزہ کی پٹی میں بسنے والے مصیبت کا شکار بچوں کے مسائل کے حوالے سے آگاہی کے لیے بچوں کی ایک ویڈیو کانفرنس کا انعقاد کیا گیا جس میں بچوں نے ’اسکائپ‘ کی مدد سے ایک دوسرے سے اظہار خیال کیا۔
مرکزاطلاعات فلسطین کے مطابق اس سرگرمی کا اہتمام فلسطین میں بچوں کے حقوق اور ان کی بہبود کے لیے کام کرنے والے غزہ بلدیہ کےہیپی چلڈرن گارڈن‘ کی جانب کیا گیا۔
ویڈیو کانفرنس میں غزہ کی پٹی میں رہنے والے بچوں نے اسکائپ کی مدد سے فرانسیسی بچوں سے بات چیت کی اور آپس میں تبالہ خیال کیا۔ بات چیت میں دونوں علاقوں کے بچوں نے ایک دوسرے کی تہذیب وتمدن، تاریخ، سیاحت، آثار قدیمہ اور دیگر امور پر بات چیت کی۔
مسلسل دو گھنٹے جاری رہنے والی اس ویڈیو کانفرنس میں غزہ کے بچوں نے اسرائیلی ناکہ بندی کے نتیجےمیں درپیش مشکلات، تعلیم، صحت اور دیگر مسائل کے بارے میں فرانسیسی بچوں کو آگاہ کیا۔
14 سالہ طالبہ میرہ الحج احمد نے فرانسیسی بچوں کے نام انگریزی میں اپنے پیغام میں کہا کہ فلسطینی بچے اپنی قومی شناخت اور تشخص پرقائم رہیں گے۔اس کا کہنا تھا کہ ہم اپنے آئینی حقوق اور منصفانہ مطالبات پر پوری طرح کار بند رہیں گے۔ دوسری جانب فرانسیسی بچوں نے محصورین غزہ کے بچوں کی بات چیت توجہ سے سنی اور ان کے ساتھ مکمل ہمدردی کا اظہار کیا۔
