رام اللہ میں غزہ پر پابندیوں کے خلاف متحرک محاذ کا کہنا ہے وہ فلسطینی اتھارٹی کی جانب سے غزہ پر عاید پابندیوں کے خلاف مظاہروں کا اعلان کیا ہے۔
تحریک کی جانب سے ایک بیان میں بتایا گیا ہے کہ رام اللہ شہر کے المنارہ سرکل کے قریب ایک اجتماع کا اہتمام کیا جائے گا۔
تحریک نے اس عزم کا اظہار کیا کہ وہ فلسطینی اتھارٹی کے سربراہ کی جانب سے غزہ پر عاید پابندیوں کو اٹھائے جانے تک احتجاج کا سلسلہ جاری رکھیں گے۔
تحریک کے بیان میں فلسطینی اتھارٹی کی سیکیورٹی فورسز کی جانب سے بدھ کے روز ہونے والے احتجاج کے شرکاء پر تشدد کی مذمت کی گئی۔
