اسرائیل کے عبرانی ذرائع ابلاغ نے اپنی رپورٹس میں بتایا ہے کہ صہیونی حکومت نے اسرائیلی فوجی کو تھپڑمارنے کی پاداش میں گرفتار کم عمر فلسطینی جہد کارہ عہد تمیمی کی رہائی کی درخواست مسترد کردی ہے۔
اسرائیل کی عبرانی ویب سائیٹ’والا‘ نے اپنی رپورٹ بتایا ہے کہ اسرائیلی سپریم کورٹ کی قیدیوں کی مشروط رہائی کی سفارش کرنے والی کونسل نے 17 سالہ عہد تمیمی کی قبل از وقت اور مشروط رہائی کی درخواست مسترد کردی ہے۔
عبرانی ویب سائیٹ کے مطابق انسانی حقوق کے مندوبین نے عہد تمیمی کی رہائی کی درخواست دی تھی تاہم اسرائیل کے داخلی سلامتی کے خفیہ ادارے ’شاباک‘ نے کونسل سے کہا کہ عہد تمیمی کی طرف سے لاحق خطرات اب بھی موجود ہیں اس لیے اس کی رہائی کی درخواست مسترد کردی جائے۔
خیال رہے کہ غرب اردن کے شہر رام اللہ میں قائم اسرائیل کی عوفر فوجی عدال نے مارچ میں عہد تمیمی کو ایک اسرائیلی فوجی کوتھپڑ مارنے کے الزام میں آٹھ ماہ قید کی سزا سنائی تھی۔
