جرمنی کی وزارت دفاع نے اسرائیل سے جرمن فوج کی تاریخ کی ڈرون طیاروں کی سب سے بڑی ڈیل کا اعلان کیا ہے۔
مرکزاطلاعات فلسطین کے مطابق جرمنی کی وزارت دفاع نے اسرائیل کے 90 کروڑ ڈالر مالیت کے جنگی ڈرون طیارے کرائے پرلینے کے لیے بات چیت شروع کردی ہے۔
جرمن اخبار ’زوڈ ڈوئچے‘ نے حکومت کے ایک ذمہ دار ذریعے کے حوالے سے بتایا ہے کہ جرمن وزارت دفاع نے پارلیمنٹ کی کمیٹی برائے خزانہ کو رواں ہفتے ایک تجویز ارسال کی ہے جس میں اسرائیلی فوج سے نو سال کی مدت تک اسرائیل سے اس کے تیار کردہ ڈرون طیارے کرائے پر لینے کی منظوری طلب کی گئی ہے۔
ذرائع کاکہنا ہے کہ ان ڈرون طیاروں کےعوض جرمنی اسرائیل کو نو سال کے دوران 9 کروڑ ڈالر دا کرے گا تاہم اس کے بدلے میں وہ کتنے ڈرون حاصل کرے گا اس کی تفصیلات سامنے نہیں آسکی ہیں۔
جرمنی کے بعض دوسرے اخباری ذرائع کا دعویٰ ہے کہ برلن تل ابیب سے 5 ڈرون طیارے اجرت پر نو سال کے لیے حاصل کرے گا۔
ذرائع کا کہنا ہے کہ جرمنی اسرائیل کے ’ہیرون ٹی پی‘ ڈرون طیارے حاصل کرے گا۔ ان ڈرون کی لمبائی 14 میٹر ہے اور یہ میزائل داغنے کی صلاحیت رکھتے ہیں۔
