قابض اسرائیلی فوج نے فلسطین کے مقبوضہ مغربی کنارے کے شمالی شہر جنین یعبد کے مقام پر افطاری کے وقت ایک فلسطینی قیدی کے گھر پر چھاپہ مارا اور گھر میں موجود اس کے اہل خانہ کی نیم برہنہ تلاشی لی۔
مرکزاطلاعات فلسطین کےمطابق اسرائیلی فوج نے معذور فلسطینی اسیر عدنان حمارشہ کےگھر پرچھاپہ مار کراس کے اہل خانہ کو توہین آمیز سلوک کا نشانہ بنایا۔
مقامی ذرائع کا کہنا ہے کہ اسرائیلی فوج نے گھر میں گھس کر تمام اشیاء کو تتر بتر کردیا اور گھرمیں موجود روزہ داروں کو زدو کوب کیا اور ان کی نیم برہنہ تلاشی لی گئی۔
صہیونی فوج کے اس مجرمانہ اور توہین آمیز سلوک پر علاقے میں سخت غم وغصہ پایاجا رہا ہے۔
