قابض صہیونی فوج اور یہودی آباد کاروں نے فلسطین کے مقبوضہ مغربی کنارے کے جنوبی شہر رام اللہ فلسطینیوں کے انگوروں کے ایک باغ پر حملہ کرکے کم سے کم 100 انگور کےپودے تلف کرڈالے۔
فلسطینی ذرائع نے بتایا کہ ’کوخاف شاھر‘ یہودی کالونی سے آئے آباد کاروں نے باغ میں گھس کر آریوں کی مدد سے انگور کے پھل دار پودے اور ان کی بیلیں کاٹ ڈالیں۔
مقامی شہریوں کا کہنا ہے کہ باغ سعید معدی نامی شہری کی ملکیت بتایا جاتا ہے۔خیال رہے کہ اسرائیلی فوج اور یہودی آباد کار آئے روز غرب اردن میں فلسطینیوں کے باغات اور فصلوں کو آگ لگاتے، پودوں کو کاٹتے یا ان پر سیورج کا پانی چھوڑ دیتے ہیں۔
