فلسطین کے مقبوضہ مغربی کنارے کے جنوبی شہر الخلیل میں بیت اولا کے مقام پر چند روز قبل اسرائیلی بس کی ٹکر سے زخمی ہونے والا فلسطینی نوجوان زخموں کی تاب نہ لاتے ہوئے دم توڑ گیا۔
مرکزاطلاعات فلسطین کے مطابق 23 سالہ ھانی فائز العداربہ کو چند روز قبل اسرائیلی بس نے کچل ڈالا تھا۔
فلسطینی وزارت صحت کی طرف سے جاری کردہ بیان میں کہا گیاہے کہ العداربہ اسپتال میں چند روز تک انتہائی نگہداشت وارڈ میں زیرعلاج رہنے کے بعد کل جمعہ کو دم توڑ گیا۔ العداربہ کو اسرائیلی بسنے چند روز قبل شمالی الخلیل میں شاہراہ 35 پر راہ چلتے ہوئے کچل ڈالا تھا۔
