اسرائیل کے درجنوں یہودی آبادکاروں نے اتوار کے روز پولیس کی بھاری تعداد میں مسجد اقصیٰ پر ہلہ بول دیا۔ خبر رساں ادارے "قدس پریس” کے مطابق اسرائیلی پولیس اہلکاروں کی بھاری نفری کی نگرانی میں تقریباً 57 آبادکاروں پر مشتمل جتھہ مراکشی دروازے کی جانب سے مسجد میں داخل ہوا۔
یہودی آبادکاروں مسجد اقصیٰ کے صحن میں آزادانہ پھرتے رہے اور انھوں نے صحن میں تلمودی عبادات بھی ادا کیں۔ اس موقع پر انھیں نام نام نہاد "ٹیمپل مونٹ” کی خود ساختہ تاریخ سے متعلق پریزنٹیشن بھی دی گئی۔
اسرائیلی پولیس نے حال ہی میں صبح کے وقت مسجد اقصیٰ آنے والے فلسطینیوں پر عائد پابندیوں میں مزید سختی کی ہے۔ صہیونی پولیس عموماً صبح کے وقت مسجد اقصیٰ کی زیارت کو آنے والے فلسطینیوں کے شناختی کارڈ ضبط کر لیتی ہے تاکہ وہ زیادہ دیر مسجد میں نہ ٹہر سکیں۔ اسرائیلی پولیس یہود آبادکاروں کی اشتعال انگیز دراندازیوں پر احتجاج اور ان سے ہاتھا پائی کرنے والےفسلطینیوں کو فی الفور حراست میں لے لیتی ہے۔
یہودی آباد کاروں کی مزید تعداد مسجد اقصیٰ میں دوپہر کے وقت بھی آن دھمکتی ہے کیونکہ اسرائیلی حکام نے انہیں بعد از دوپہر بھی قبلہ اول میں در اندازی کی اجازت دے رکھی ہے۔
